A xente de Estudios Mans envíanos a info do Sonidos Mans Salas, o seu Concurso de bandas galegas emerxentes. As usuarias do Local de seguro estades interesadas en poder participar nel 🔥🔥.
Copiamos a información do concurso:
Concurso de bandas emerxentes dirixido a bandas galegas.
Sonidos Mans Salas é un concurso dirixido a bandas emerxentes de Galicia. Se queres participar, deberás presentar un tema orixinal a través desta plataforma web desde o 20 de xullo ás 12:00 horas pm ata ás 12:00 horas pm do 09 de agosto de 2022. Unha vez finalizada esta fase, un xurado formado por profesionais da industria musical, seleccionará as mellores 5 propostas, que pasarán a ser as finalistas do concurso.
Estes 5 proxectos participarán nunha audición final entre os días 26, 27 e 28 de agosto enmarcado no Festival de la Luz no espazo de Estudios Mans, na que se seleccionarán 2 gañadores. Ambos gravarán un tema con videoclip en Estudios Mans e o primeiro poderá tocar en directo nunha sala de recoñecido prestixio en Galicia.
https://salas.sonidosmans.com/wp-content/uploads/Bases-Sonidos-Mans-Salas-22.pdf